Pormal na nga ginbaton ni Capiz 2nd District Congressman Fredenil ‘’Oto’’ Castro ang nominasyon sa iya sa idalum sang alyansa nga Lakas-CMD kag Liberal Party nga mangin standard bearer sa pagka-gobernador.
Mangin katandem ni Castro si Incumbent Vice Governor Jaime’’Mitang’’ Magbanua.
Ginpatigayon ang proklamasyon ni Castro sang iya kandidatura sa ginpatigayon nga press conference sa balay ni Vice Governor Magbanua sa banwa sang Dao sa diin gintambungan ini sang mga lideres gikan sa premier kag segundo distrito sang probinsiya.
Ginpahayag ni Board Member Jonathan ‘’Sonny’’ Besa, unanimous ang pagpati sang mga lideres nga nagtambung sa nasambit nga kahiwatan nga si Castro ang makabig nga rightful one sa posisyon sang pagka-gobernador.
Nahibaluan nga nauna na nga nagpamalibad ang kongresista sa pihak sang pangabay sa iya.
Apang nakumbinse si Castro nga batunon ang nominasyon sa iya matapos ang executive meeting kaina.
Ginakabig nga formidable ang tandem nga Castro-Magbanua sa palaabuton nga eleksyon.
