ROXAS CITY – Nasiguro na sang Capiz ang 1 ka bulawan nga medalya kag 4 ka silver sa nagapadayon nga Batang Pinoy 2023 nga ginhiwat sa nagkalain-lain nga venue sa Metro Manila.
Sa interview sang Bombo Radyo kay Mr. Matthew James Viterbo, Provincial Sports Coordinator sang probinsya suno diri, ang 1 ka gold kag 2 ka silver ang nakuha sang mga atleta sa athletics, 1 ka silver sa arnis kag 1 sa Taekwondo.
Pahayag sini, mayorya sa mga delagado sang probinsya ang sulod na sa quarterfinals kag nagalaum nga madugangan pa ang numero sang mga medalya ang mapauli sang mga Capiz Athletes.
Samtang, sa hinun-anon sang Provincial Sports Council kay Governor Fredenil Castro nahinalaan nga pagatutukan ang training program sang mga atleta kag coaches agud ma-modernized kag maka-compete kag makabangon sa mga masunod nga kumpetisyon.
Aminado si Viterbo nga kulang sa training ang mga atleta gani suportado sini ang igatukod nga Sports Development Program agud tun-an ang mga bagay nga dapat iimprove agud magtaas ang standing sang probinsya.
Mahibaluan ang Capiz ang may yara sang mas o menus 150 delegates kalakip na diri ang mga coaches.
