ROXAS CITY – Naalarma ang pamunuan sang Capiz Police Provincial Office (Capiz-PPO) sa pagtaas sang kaso sang suicide sa probinsiya sang Capiz.
Ini ang ginpahayag ni Police Executive Master Sergeant Donna Asmod sang mainterview sang Bombo Radyo.
Suno kay Asmod, naglab-ot na sa 14 ang kaso sang suicide nga napagkit humalin sang Enero tubtob sini nga bulan sang Hunyo sa diin may anum sa siyudad sang Roxas, tatlo sa Dumalag, tag-isa naman sa Pilar, Maayon, Mambusao, kag Dumarao.
Kadam-an sa mga nagahikog amo ang mga pamatan-on.
Nahibaluan sang tinalikdan nga tuig naglab-ot sa 26 ang suicide incidents sa probinsya.
Masami nga ginakunsidera sang kadam-an ang depresyon nga nagatulod sa mga biktima nga utason ang ila kabuhi.
Ginpahayag naman ni Asmod nga may yara sang mga programa kag lihuk ang mga kapulisan para matapna ang nasambit nga insedente.
Samtang, importante suno sa iya ang papel sang pamilya sa isa ka indibidwal nga nagasuprer sang depresyon.
