Roxas City – Gin-athag sang tagpamaba sang Capiz Police Provincial Office nga sarado na ang tanan nga mga gaming entities sa probinsya sa idalom sang Philippine Charity Sweepstakes Office kasunod sang mandu ni Presidente Rodrigo Duterte.
Suno kay Police Executive Master Sergeant Donna Asmod ginlibot sang kapulisan ang tanan nga mga gaming outlets sa probinsya sa pagpanguna ni Police Col. Canelo Fuentes agud masiguro ang ginpatuman nga mandatu ni President Duterte nga nagasuspinde sa tanan nga mga gaming schemes sa idalum sang PCSO.
Ginpahayag ni Asmod nga sarado na ang 43 ka mga lotto outlets, napulo ka mga KENO outlets, isa ka peryahan ng bayan, 12 ka mga STL, lima ka mga PCSO posting outlets kag tatlo ka mga scratch it outlets.
Dugang pa sini nga wala man sang may napagkit nga untoward incidents samtang ginapatigayon ang operasyon sa pagpasarado sa mga lotto outlets.
Magluwas diri, nagpanugyan man si Asmod sa publiko nga magsunod na lamang sa pagsulundan sang gobyerno.
Indi man madula ang ila pag-edukar sa mga pumuluyo nga likawan magpatigayon sang mga illegal nga aktibidad kasubong sang illegal gambling.
