ROXAS CITY – Ginpangunahan ni Police Colonel Albert D. Tapulao, Provincial Director sang Capiz Police Provincial Office (CPPO), ang crucial first-quarter meeting sang Capiz Provincial Anti-Drug Abuse Council (PADAC) sang Pebrero 12, 2024, sa Capiz Provincial Capitol.
Ang nasambit nga pagsinapol ang gintambongan sang pila ka mga stakeholders—mga lokal nga opisyal sang gobyerno, law enforcement, kag mga tiglawas sang komunidad agud atubangon ang nagapadayon nga ginahimo nga tikang sang probinsya sa pagtapna sang nagadamo nga kaso nahanungod sa ilegal nga droga.
Gin-usisa sang mga nagtambong ang sa karon nga problema sa droga, nga gina-analisar ang pagka-epektibo sang ginapatigayon nga kampanya kag mga interbensyon batuk sini.
Samtang, ang nasambit nga paghinun-anon ang nagasentro sa pagpabakod sang mga programa sa rehabilitasyon sang komunidad, pagpabakod sang mga operasyon, kag pagpasanyog sang mas mabakod nga pag-updanay sa tunga sang mga ahensya sang gobyerno kag lokal nga mga komunidad.
Sa karon, naga- inisyar sang mga tikang ang konseho agud masiguro nga ang anti-drug efforts sang probinsya nagapabilin nga nakalinya sa national drug prevention and rehabilitation policies.
