ROXAS CITY, CAPIZ- Naka-blue alert status sa subong ang talatapan sang Capiz Provincial Disaster Risk Reduction and Management Unit para sa manug-abot nga Bagyo Tino.
Sa interview sang Bombo Radyo kay Atty. Shiela Artillero, Head sang Capiz Provincial Disaster Risk Reduction and Management Unit, iya ginpahayag nga nakapatigayon na sang coordination meeting ang ila nga talatapan kaupod ang iban pa nga mga ahensya sa diin gin-istoryahan ang mga preparasyon nga ginapatigayon para sa nasambit nga bagyo.
Suno kay Artillero, naka-standby na ang mga katapo sang ila nga talatapan para sa pagresponde sang mga nagakinahanglan.
Pahayag nya, naka-prepositioned naman ang ila sini mga pagkabutang para sa mas madasig nga pagresponde.
Nagapanawagan naman ang natungdan sa mga pumuluyo sang kooperasyon sa diin nga kun ginapanugyanan na nga mag-evacuate, gilayon nga patigayunon ang preemptive evacuation kag magpabilin nga aligmat, magpamati sang mga balita agud masiguro ang kaluwasan sang tagsa-tagsa.
Interviewed by Bombo Jessa Mae Siman De Los Santos
