Wala pa sang may nabaton nga request ang Sangguniang Panlalawigan gikan sa sa provincial government para mapondohan ang mga kinahanglanon sang mga na-stranded nga mga seafarers sa Cebu City kag Metro Manila nga natalana nga magpauli sa probinsiya sang Capiz.
Ini ang ginpahayag ni Vice Governor Jaime ‘Mitang’ Magbanua sang mainterview sang Bombo Radyo.
Suno kay Magbanua nga may ginproponer ang provincial government nga kapin P40 milyones nga pondo para sa mga kinahanglanon sang mga stranded seafarers samtang nagapaidalum sa quarantine sa Capiz National High School apang wala pa sang may nabaton nga request ang talatapan sang bise-gobernador para diri.
Apang ginpasalig ni Magbanua nga gilayon nga pagatalakayon ang request para mahatagan sang katumanan ang mga plano sang probinsiya bilang sabat sa ginapangatubang sa karon nga coronavirus disease (COVID-19) pandemic.
