Nagpanawagan ang pangulo sang Catholic Bishops’ Conference of the Philippines (CBCP) nga si Cardinal Pablo David sa mga pari nga himuon nga takus ang “Simbang Gabi” agud mapakigbahin ang mga Pulong sang Diyos sa mga tumuluo.
Ginhatagan sang pagtamud sang arsobispo ang importansya sa pagdul-ong sang sermon may kaangtanan sa ebanghelyo para sa tradisyonal nga siyam ka adlaw nga Misa, kung sa diin nagsugod kaina sang maga-aga, Lunes.
Ini ang tion nga nagapamati ang mga indibidwal sa Simbahan.
Ginpahanumdum sini ang mga pari nga ituon ang ila mga mensahe sa Pulong sang Diyos, sa baylo nga mga personal nga opinyon.
Ginganyat man sini ang mga Pilipino nga hakson ang inclusivity, pauswagon ang paghiliusa sa mga tawo nga may nagkalain-lain nga pagpati kag ginhalinan.
Mahibaluan nga ang Simbang Gabi, siyam ka adlaw nga serye sang mga Misa sa gab-i/ maga-aga nga ginahimo sang tuigan.
Ini ang ginatambungan sang mga Pilipino nga Katoliko antes mag-abot ang adlaw sang Paskwa.
