ROXAS CITY-Kasado na ang pagapatigayunon nga separado nga imbestigasyon sang Capiz Police Provincial Office (CPPO) natuhoy sa kamatayon sang 23-anyos nga lalaki nga ginaalegar nahulog sa patrol car sang Pontevedra Muncipal Police Station.
Matapos nga nakalab-ut na ini sa lebel ni Police Colonel Julio Gustilo Jr., ang Provincial Director sang CPPO ang nasambit nga insidente.
Sa interview sang Bombo Radyo kay Gustilo ginpahayag sini nga magasugod na ang case conference sang Provincial Investigaton and Management Detection Unit nga amo ang magapanguna sa imbestigasyon.
Suno kay Gustilo nga nakapangusisa na ini sa mga kapulisan sa banwa sang Pontevedra kun sa diin gilayon nga nagdepensa sa natabo ang nasambit nga police station.
Magluwas diri, ginmanduan man ni Gustilo ang apat ka pulis nga nagpasakay sa biktima sa patrol nga magsumiter sang explaination letter natuhoy sa natabo.
Gin-athag ni Gustilo nga mahimo man nga mabay-an sa likod sang patrol ang mga ginpasakay sang mga kapulisan magluwas gid lamang sa mga arestado
Samtang ginpasalig naman sang opisyal nga mangin patas ang imbestigasyon sa pihak nga katapos sang mga kapulisan ang imbolbado.
