Ginhatagan sang full scholarship ang 15-anyos nga teenager nga taga-Liloan, Cebu matapos masobra 50 ka tawo ang iya nasalbar sa tion sang kabaskugon sang Bagyo Tino.
Ginkilala ang lamharon nga baganihan kay Jayboy Magdadaro nga taga-Barangay Jubay, kun sa diin bilog nga hapon ginsulong niya ang baha gamit lamang ang gamay nga sakayan agud masalbar ang mga na-trap nga mga kasilingan.
Bilang pagkilala, ginpahayag ni Mabolo Barangay Captain Atty. Daniel Francis Arguedo ang naghatag kay Jayboy sang bug-os nga scholarship nga magagasto sa tanan niya nga galastuhan sa pagtuon kag magahatag man sa soltero sang P3,000 nga bulanan nga allowance.
Suno kay Arguedo, nagpakita si Jayboy sang “baganihan nga labaw pa sa iya edad,” kag nagserbe nga inspirasyon sa madamo pa nga mga pamatan-on.
Ginpakigbahin man ni Jayboy ang iya hilig sa skimboarding nga nakabulig sa iya nga makontrol ang mabaskog nga pag-ilig sang tubig baha kadungan sang pagluwas sa mga pumuluyo sang ila Barangay.
