ROXAS CITY – Liwat nga nagpanugyan ang Chief Security sang Teodoro Arcenas Trade Center (TATC) sa mga manugbaligya sa merkado nga mangin vigelante agud malikawan nga mangin biktima sang peke nga kwarta.
Ini matapos ang liwat nga pagduging sang mga nagapangbiktima sang peke nga kwarta sang damlag lang.
Sa interview sang Bombo Radyo sa Chief Security sang nasambit nga merkado nga si Mr.Efren Diaz ginpahayag sini nga wala sila naga-untat sa pagpahanumdum sa mga manugbaligya nga sa tion makabatyag sang pagduda tsekyaron ini sang maayo kag mas maayo nga i-check sa money detector sa pihak sang kasakuon agud malikawan nga mangin biktima.
Suno kay Diaz, nga base sa pinaka-ulihi nga report masami nga nagapangbiktima ang nagahimu sini alas 5:00 sang kaaganhon kag sa tion sang gab-i.
Mahibaluan nga sang damlag lang, natigayon nga mabiktima ang duha ka mga manugbaligya sang peke nga kwarta.
Bangud sini, nangin hugot na suno sa chief security ang ila seguridad kung sa diin sa masobra 20 nila nga mga guwardiya gintunga ang mga ini sa 3 ka shifting agud masiguro nga may yara sang magaresponde pananglitang may mga indi maayo nga matabo.
Mensahe ni Diaz nga makig-angut sa ila kag magbinuligay agud matapna na kag mauntat ang kaangay sini nga nagakatabo sa sulod kag guha sang merkado.
