Nagpalab-ot sang pagtamyaw sa Paskwa sa tanan kag pagpasalamat sa Diyos si “Parokya ni Edgar” lead vocalist Chito Miranda pinaagi sa pagpost sa iya Instagram account.
Makit-an nga nagpasalamat si Chito sa makaako bangud suno sa iya wala sila ginpabay-an ilabi na sa ila mga naagyan sang damlag lang.
Kalakip sa nasambit nga post ang mga litrato sang ila kabataan kaupod ang iya misis nga si Neri Naig-Miranda, nga temporaryo nga nakapiyansa nagikan sa pagkapreso may kaangtanan sa kaso nga iya ginapangatubang.
Matandaan nga sadtong Nobyembre, gindakop sang mga otoridad si Neri bangud sa 14 counts nga paglapas sa securities kag syndicated estafa may kaangtanan sa isa ka beauty clinic nga iya gin-endorso nga may kalakip nga pagganyat para sa investments.
Matapos naman nga gintugutan sang korte ang motion to quash nga ginfile sang iya legal team may kaangtanan sang arrest warrant batuk sa iya, temporaryo nga nakaguha ang “wais na misis”.
