Preparado na ang talatapan sang City Comelec sa pagsugod sang kampanya para sa mga lokal nga kandidato sa syudad sang Roxas.
Sa interview sang Bombo Radyo kay Atty Romel Benliro, City Comelec Officer nga sa pagsugod sang kampanya sa lokal, ang mga kandidato ang kinahanglan nga magsunod sa mga pagsulundan sang komisyon.
Ila nga pagamonitoron ang hulag sang mga kandidato kag bukas ang ila opisina sa mga reklamo nga ipaabot sang mga pumuluyo sa ila apang kinahanglan sang nagakaigo nga ebidensya agud mapamatud-an ang amo nga reklamo.
Pahayag pa ni Benliro nga bawal na ang pagpanagtag sang mga pagkaon, pagkabutang, ilabi na gid ang kwarta nga makabig vote buying.
Samtang kadungan sang pagsugod sang kampanya sa lokal nga mga kandidato ang pagpatigayon naman sang Comelec sang Oplan baklas, nagalibot ang komisyon sa mga lugar nga ginpahamtangan sang mga Campaign materials nga wala sa nagakaigo nga bulutangan.
