ROXAS CITY-Nagahimo na sang tikang ang pamunuan sang City Disaster Risk Reduction and Management Office ukon CDRRMO agud mahatagan sang nagakaigo nga penalidad ang lima ka mga contract workers sang isa ka dako nga mall nga nagpadulong sa siyudad nga wala sang koordinasyon sa mga otoridad.
Sa interview sang Bombo Radyo kay Mr. Dennis Saneo, CDRRM Officer nga naghimo na ini sang incident report natuhoy sa natabo nga paglapas sa health protocols sang lima ka mga contract workers nga nagikan sa Mexico Pampanga.
Gin-athag ni Saneo sa pihak nga may yara sang ginpakita nga mga dokumento ang mga ini nga ginalakipan sang negative result sang RT-PCR test, Rapid Test kag medical certificate ginapahayag nga naglapas sa gihapon sila sa protocol.
Base naman sa pagpangusisa sang CDRRMO sa management sang dako nga mall, hugot nila nga ginpanginwala nga may yara sila sang ihibalo pag-abot sa ila mga contract workers.
Bangud sini, gin-abisuhan ni Saneo ang management sang amo nga mall, nga dapat maghatag sila sang impormasyon sa maga-abot nila nga mga trabahante.
Samtang, ginkompirmar ni Saneo nga may yara sang isa pa nga nag-abot nga contract worker nga gintugyan sang mall sa nasambit nga talatapan.
Sa karon ginahulat nalang sang talatapan ang resulta sang RT-PCR test sang lima ka mga contract workers nga nagapabilin sa quarantine facility sang Barangay Punta Tabuc, sining siyudad.
