ROXAS CITY – Gindula sang pamunuan sang City Veterinarian’s Office nga may nakasulod nga hot meat sa syudad sang Roxas kag probinsiya sang Capiz.
Ginhimo ni Dr. Roberto Dante Corros ang pahayag, kasunod sang mga reports nga duha ka mga stalls sa Teodoro Arcenas Trade Center (TATC) nga nagabaligya sang frozen products ang nagabaligya sang hot meat nga gikan sa mga pungsod nga apektado sang African Swine Fever (ASF).
Suno kay Corros, may nagakaigo nga permit kag dokumento ang tag-iya sang duha ka mga stalls nga nagabaligya sang frozen products kag hilway nga kunsumuhon sang mga pumuluyo ang mga produtko nga gikan sa pungsod India kag nag-agi sa Cebu.
Nag-agi man ini sa National Meat Inspection nga nangin maidid sa ila nga pag-inspeksyon agud masiguro nga hilway kunsumuhon ang nasambit nga mga produkto.
