ROXAS CITY – Wala nakakuha sang educational assistance nagikan sa Department of Social Welfare and Development (DSWD) ang isa ka college student apisar nakabaton ini kahapon sang confirmation nga isa siya sa benepisiaryo nga makabaton sang ayuda subong nga adlaw, Setyembre 24.
Sa pagpakig-angut sang Bombo Radyo kay Maria Melody Nielo, tagreklamo, kag residente sang President Roxas, Capiz, suno diri nagpadulong siya sa SM Roxas nga amu ang venue sang tagtaganay agud magkuha apang wala siya gintagaan bangud ginapahayag nagtalang ang iya pangalan sa Catarman, Samar.
Aminado si Nielo nga nagsala siya sa pagpindot sa lugar sang nagparehistro siya online bangud nagbisyo ang iya nga cellphone.
Gintinguhaan man sini nga maghinyu sa DSWD personnel kun mahimo itransfer ang iya budget diri sa Capiz apang ginsabat siya sang mga ini nga wala sila sang mahimo.
Ginkasubo ini ni Nielo bangud dako kuntani nga bulig sa iya ang P4,000 ilabi na sa iya pag-eskwela apang kasubong indi niya ini makuha bangud kinahanglan niya pa magpadulong sa probinsya sang Samar agud maangkon ini.
