-- ADVERTISEMENT --
Gintugutan sang Commission on Elections (COMELEC) ang Philippine National Police (PNP) nga hugtan ang surveillance sa mga vote-buyers.
Suno kay COMELEC chairman George Garcia, indi na kinahanglan ang arrest warrant agud madakpan ang mga vote-buyers bangud ginapahanugutan ini sang kasuguan.
Gindugang sini nga may istrikto ini nga instruksyon sa kapulisan bilang ila deputized agents kag kinahanglan nga limitahan ang pagpangdakop sa mga nagabakal sang boto.
Bisan suno sa iya ang mga nagabaligya sang boto ang mahimo madakpan kun sa diin magapangatubang ang mga ini sang tubtub anum ka tuig nga pagkapreso.
Nagpanugyan man ini sa publiko nga magkuha sang litrato kag video sang vote buying agud gamiton bilang ebidensya.
-- ADVERTISEMENT --
