Comelec nagpaandam sa mga kandidato nga magapangayo sang pondo sa mga dumuloong

Nagpaandam ang Commission on Elections (Comelec) sa mga kandidato sa May 2022 elections nga nagabaton sang mga campaign donations gikan sa iban nga pungsod.

Ginpahayag ni Comelec commissioner Rowena Guanzon nga hugot nga ginadumilian ang mga kontribusyon gikan sa mga dumuloong kag mga foreign corporations.

Ini ang pahayag ni Guanzon ang kasunod sa ginlunsyar nga crowdfunding page para kay Vice President Leni Robredo nga magapadalagan bilang presidente sang pungsod.

Dapat nga i-report ang nasambit nga kontribusyon nga gikan sa mga dumuloong bangud mahimo sila nga mapasakaan sang kaso nga magaresulta sa diskwalipikasyon sang isa ka kandidato.