ROXAS CITY – Nagpatigayon sang Oplan-Baklas ang Commission on Election (Comelec) sa Arnaldo Blvd., Barangay Baybay, Roxas City.
Suno kay City Election Officer Atty. Hazel Palencia, nagsugod ang ila nga operasyon gikan sa Roxas City Public Plaza padulong sa Peoples Park sa Barangay Baybay.
Ang Oplan-Baklas sang Comelec ang ginpatigayon kaupod ang mga katapu sang Department of Public Works and Highways (DPWH) kag Philippine National Police.
Kalakip sa mga ginpangkakas amo ang mga illegal campaign materials sang mga nagapapili para sa nagahilapit nga May 2019 midterm elections nga wala mahamtang sa designated ukon common poster areas.
Mahibaluan nga una naman nga ginpaandaman ang mga violator nga kuhaon ang ila campaign material nga napaskil sa indi designated areas kag amo man sa pag-ilis sa mga campaign posters nga makabig oversized.
Ini na ang ikalima ka beses nga pagpatigayon sang City Comelec Office sang Oplan-Baklas nga labing-una naman sa liderato ni Atty. Palencia
