Nagpahanumdom ang Commission on Population and Development Region 6 sa publiko sa responsable nga pagselebrar sang Valentines Day.
Sa interview sang Bombo Radyo kay Director Harold Alfred Marshall sang Commission on Population and Development Region 6, iya ginpahayag nga ang ideya sang adlaw sang tagipusuon ang nahanungod sa pagpapag-on sang relasyon sang mag-asawa ukon magkahagugma.
Suno kay Marshall, ini nga adlaw ang mahimo man nga iselebrar kaupod ang pamilya, classmates ukon mga abyan nga nagapalangga sa atun.
Pahayag pa niya, importante man ang paggiya sang mga ginikanan ukon guardian sa mga kabataan nahanungod sa sexual and reproductive education bangud sa nagataas nga numero sang mga temprano nga nagabusong ukon unintended pregnancy.
Dugang pa sang natungdan, ang Valentines day ang indi lang nahanungod sa bulak ukon chocolates, kundi sa matuod, tampad, sinsero kag may respeto nga pagpalangga.
