ROXAS CITY -Ginahulat na lamang sang G-Arabia Platinum Construction and Development Company ang construction permit gikan sa city government agud liwat nga masuguran ang pagpakaayo sang dalan sa San Roque Street, Roxas City.
Ini ang ginpahayag ni Mr. Gin Arabia tag-iya sang nasambit nga construction company sang mainterview sang Bombo Radyo.
Ginpahayag ni Arabia nga bulan sang Marso pa dapat natapos ang pagpakaayo sang nasambit nga dalan apang wala ini sila gilayon nga ginhatagan sang construction permit sang city government.
Suno kay Arabia nga nag-apply ini sang construction permit kag nagbayad sa city government apang ginpamalibaran ini bangud nagakahilanglan pa nga talakayon ang nasambit nga butang sa Sangguniang Panlungsod.
Gindugang pa ni Arabia nga wala ini nakahibalo nga nagakinahanglan pa nga magkuha sang construction permit sa lokal nga gobyerno sang siyudad sa mga ginakaayo nga dalan bangud sa iban nga mga siyudad, wala man sang ginapangita sang kasubong sini.
Ginpanindugan man sini wala gina-atrasar ang pagkaayo sang nasambit nga dalan bangud sila man sa gihapon ang apektado sa tion nga maghinay ang ila pagtrabaho.
