ROXAS CITY – Magapakita sang kina-iya sa pagkanta kag paghataw sa ila mga dance moves ang mga dancers para sa tuigan nga handog sang Bombo Radyo kag Star FM sa mga Capizeño; Battle of the Bands kag Dance Showdown sa Capiz State University Main Campus Covered Gym karon sa hapon.
Ang nasambit nga kompetisyon ang tuigan nga ginapatigayon sang Bombo Radyo kag Star FM bilang kabahin sang selebrasyon sang charter anniversary sang probinsiya sang Capiz nga Capiztahan.
Walo ka mga banda ang magapaindis-indis sang ila talento sa pagtukar kag pagkanta sa Battle of the Bands samtang siyam naman sa dance groups ang magapasundayag sang ila ikasarang sa dance floor.
Kalakip sa mga local bands nga nagpasakup sa Battle of the Band nga nakaba-se sa kabanwahanan amo ang Zessionist Band, Back and Ten Band, Brainstorm, The Notorius Band, The Beats, Daikwan Band, Apollo Band kag 5 of Joke Band.
Sa bahin naman sang dance groups yara ang Capiz Attraction, Ivisan Dance Company, Do or Die Family, Energetic Explotion, Sedentary Crew, Wild Crew, Street Impact, D’IceBreakers kag One Crew.
Nagahulat sa magadaog ang dalagkuan nga mga premyo apang indi naman magpauli nga masubo ang wala ginswerte nga partisipante bangud magabaton sila sang consolation prizes.
Ini na ang ika-walo nga tuig nga ginahiwat ang Handog ng Bombo Radyo at Star FM” nga nagatuyo makadiskubre sang mga lokal nga talento.
