Padayon ang ginahimu nga tikang sang Department of Agriculture agud mapalapad ang availability sang mga bakuna sa baboy batok sa ASF.
Suno sa ahensya, kinahanglan nga mangin commercially available ang mga ini sa mas madali nga panahon ukon bag-o mag-abot ang bulan sang Hunyo.
Sa isa ka interview, ginpahayag ni DA Secretary Francisco Tiu-Laurel Jr nga ginatun-an nila nga magsumite sang rekomendasyon sa paggamit sang ASF vaccines sa Food and Drug Administration.
Ini ang bangud sa nagahilapit naman nga pagtakop sang paghiwat sang mga ini sang field testing.
Kumbensido ang tiglikom nga dako ang mabulig sang nasambit nga bakuna agud masolusyunan ang mga kaso sang ASF sa pungsod ilabi na sa industriya sang paghupot sang baboy.
Sa pihak sini ginsiguro sang DA nga nagapabilin nga kontrolado ang kaso sang ASF sa Pilipinas.
