Wala gihapon nabaton sang Department of Agriculture (DA) ang resolusyon para sa pagdeklarar sang ‘food security emergency for rice’ nga kuntani ginalauman nga igaanunsyo bwas, Enero 22.
Ini ang ginkumpirmar ni DA Assistant Secretary for Special Concerns and for Official Development Assistance kag Spokesperson Engr. Arnel De Mesa nga wala pa sa ila talatapan ang mga nagakaigo nga papeles nagikan sa National Price Coordinating Council (NPCC) apang liwat man suno nila ini nga ichekyar pagbalik sang opisina.
Suno kay De Mesa, posible nga mag -delay sa pag-anunsyo sang food emergency nga yara sa masobra duha tubtob tatlo ka adlaw.
Ini agud mahatagan man sang tion kag oras ang ila departamento nga liwat nga tun-an kag reviewhon ang resolusyon.
Kun nausisa na sang mayad, gilayon naman suno nila ini nga pagaaksyunan ni Agriculture Secretary Francisco Tiu Laurel Jr. para maghatag sang iya desisyon angut sa pagdeklarar sini.
‘kahapon no’ng nag check ako, ‘wala pang natatanggap kami but i have to double check again doon sa office kung talagang na received o hindi pa..,’ dugang pa ni De Mesa.
“in-announce by the secretary parang three days ay upon receipt ng kopya ng resolusyon magkakaroon ng aksyon of DA,’ dugang pa sini.
Wala naman suno sang dapat ikabalaka ang publiko para sa posible nga paghulag sang presyo sang bugas sa mga nagapanguna nga balaklan bangud ang pagdeklarar sang food emergency for rice ang mas magabulig nga mas mapanubo ang presyo sang bugas sa merkado.
Ikaduha nga rason, amo agud ma-release na sang National Food Authority (NFA) ang tonelada nga stock sang bugas sa mga warehouses sini.
‘Ang food security emergency dalawa ang pakay niyan, una matulungan bumaba yo’ng presyo ng bigas, pangalawa yo’ng stocks ng NFA mailabas at itong stocks na’to mas mababa. Inaasahan natin na lalabas sa P38 per kilo, so yo’ng volume niya is about…malaki ‘yan,’ pahayag pa ni De Mesa.
Samtang, sa nangin pag-libot naman sang sa Trabajo Market, nakita sang mga opisyal ang pila ka mga retailer’s sang bugas nga yara sa P60/kilo gihapon ang presyuhan sang bugas.
Ginaduso sang ila departamento ang renegotiation sa tunga sang retailers kag mga traders agud mapabilin ang mga presyo sini sa gintalana nga maximum retailed price nga P58/kilo sang imported rice.
