ROXAS CITY – Nagahilibion nga nagareklamo sa Bombo Radyo Roxas ang isa ka dalaga matapos ang ginaalegar pagpakahuya sa iya sa social media gamit ang Facebook Page nga Roxas Spotted.
Suno sa indi na paghingadlan nga dalaga, ginkakibot na lang sini sang nakit-an sa Facebook ang iya laragway nga may caption nga indi maayo.
Panindugan sini, indi niya kilala ang admin sang FB Page kag wala sang kamatuoran ang nagalapta sa social media.
Dugang pa sang dalaga nga nahuya na ini magguwa sa ila balay bangud gina-akusahan siya sang malain bangud lamang sa kabutigan kag pagpatalang nga ginhimo sang admin.
Pahanumdom pa sini sa publiko nga mangin maalam sa ginapost sa social media bangud posible ini makaguba sa pagkatawo sang isa ka indibidwal.
Mahibaluan, indi lang isa kundi madamo pa (kadam-an diri ang mga menor de edad) ang na featured sa amu nga page nga may mga patalang nga caption.
