ROXAS CITY – Patay ang isa ka dalaga matapos bumunggo ang ginamaneho nga motorsiklo sa poste sang street light takna 2:45 sang maga-aga, Disyembre 1 sa Barangay Ibaca, President Roxas, Capiz.
Ginkilala ang biktima nga si Paula del Rosario, 19-anyos, residente sang Barangay Vizcaya, sang nasambit nga banwa.
Sandig sa impormasyon nga nakuha sang Bombo Radyo sa President Roxas Municipal Police Station, samtang ginasubay sang biktima ang dalanon nagikan sa Poblacion padulong sa Ibaca sakay sa Suzuki smash nga motorsiklo.
Ginaalegar nadulaan sang kontrol sa manubela ang biktima kabangdanan agud dire-diretso nga bumunggo sa poste sang street light.
Bangud sa impact, tumabog ang biktima kag lumampos sa steel barrier.
Nag-angkon sang patal nga pilas sa ulo ang biktima kag magkatuhay nga parte sang lawas.
Ginpadangat pa ini sa Bailan District Hospital apang gindeklarar nga dead on arrival.
