-- ADVERTISEMENT --
ROXAS CITY – Ginbawian sang kabuhi samtang ginabulong sa ospital ang isa ka dalagita nga nagtabog sa ginasakyan nga motorsiklo sa Barangay Poblacion Ilawod, Panit-an, Capiz.
Nag-angkon sang pilas sa lawas ang biktima nga si Krisna Mae Delfin 17-anyos sang Barangay Intampilan, Panit-an.
Sa interview sang Bombo Radyo Roxas sa traffic section sang Panit-an PNP, nagaguwa sa imbestigasyon nga hinali nagpreno ang motorsiklo nga ginasakyan sang biktima sa wala nahibaluan nga rason.
Bangud diri, nagtabog ang biktima sa karsada kag wala ginalauman ang pagbunggo sang nagahagunos nga L-300 van nga ginamaneho ni Dominic Obugan sang banwa sang Sapian, Capiz kay Delfin.
Samtang yara sa kostodiya sang Panit-an PNP ang driver sang van.
-- ADVERTISEMENT --
