ROXAS CITY – Posible nga madeklara ang dengue outbreak sa pila ka lugar sa probinsiya sang Capiz, bangud sa padayon nga pagtaas sang numero sang amo nga sakit.
Suno kay Dr. Samuel Delfin, provincial health officer, ba-se sa pinakauli nga monitoring sang talatapan, humalin sang Enero 1 tobtob Hunyo 22, 2019, naka-rekord na sang 1,856 nga kaso sang dengue sa probinsiya sang Capiz..
PInakamadamo ang kaso sang dengue nga narekord sa Roxas City nga may 353, ginsundan sang Dao nga may 197, 191 sa banwa sang Pontevedra, 131 sa President Roxas, 128 sa Tapaz, 122 sa Ivisan kag iban pa.
Ginakabig naman ni Dr. Delfin nga alarming ang pagtaas sanng nasambit nga sakit bangud tuman ka daku ang gintaas sini kumpara sang nagligad nga tuig nga naglab-ot lamang sa 211 sa kapareho nga period.
Liwat ginpahanumdum ni Delfin ang publiko nga agud malikawan ang dengue kinahanglan nga sundon ang 4S strategy sang ahensiya kasubong sang Search and Destroy Mosquito Breeding Places; Secure Self-Protection; Seek Early Consultation; Support Fogging ukon Spraying sa mga hotspot areas.
