Gin-anunsyo sang Department of Agriculture (DA) nga ginatun-an sini ang posibilidad sang pagpataas sang taripa sa artificial sugars bilang dugang nga tikang agud mapasanyog ang demand para sa lokal nga kalamay.
Nagdesisyon ang ahensiya nga palawigon ang pagdumili sa pag-import sang kalamay tubtob Disyembre 2026 agud maprotektahan ang mga lokal nga mangunguma kag ang industriya sang kalamay.
Suno sa Department of Agriculture, ang mataas nga paggamit sang imported sweeteners kaangay sang high-fructose corn syrup ang naga-apekto sa demand sang lokal nga kalamay.
Base sa data sang Sugar Regulatory Administration (SRA), ang supply sang lokal nga kalamay naga-ayo apang ang manubo nga presyo nagapabilin nga isa ka hangkat bangud sang kompetisyon gikan sa artipisyal nga mga kalamay.
Sa subong, nagapabilin nga mataas ang presyo sang refined sugar sa merkado, nga nagalab-ot sa P90–P100 kada kilo rason nga ang pila ka mga manufacturer nagapili sang mas barato nga artificial substitutes.
Nagpanugyan man ang ahensya sa publiko nga suportahan ang mga lokal nga produkto agud mapabaskog ang industriya sang kalamay sa atubang sang global competition.
