Nagpagwa sang cease-and-desist order ang Department of Environment and Natural Resources (DENR) Central Visayas batok sa Prime Integrated Waste Solutions, Inc.
Suno sa DENR-EMB Region VII, pagkatapos sang inspeksyon sang Enero 9, gilayon nga gin-untat ang landfill operations santo sa EMB MC 2007-002, magluwas sa mga aktibidad may kaangtanan sa rescue, retrieval, kag cleanup.
Dugang pa sang ahensya nga ginpatawag na ang kumpaniya sa isa ka technical conference agud magplastar sang mga detalye kag magsumiter sang compliance plan sa sulod sang 90 ka adlaw.
Base sa report ni Cebu City Mayor Nestor Archival, walo na ang kumpirmado nga patay samtang 28 ang nagapabilin nga missing matapos ang landslide sang Enero 8.
Ginpahayag sang DENR Central Visayas nga magapatigayon sila sang imbestigasyon agud mahibaluan ang gintunaan sang trahedya kag mapanabat ang mga responsable.
Samtang, nag-file naman sang Senate resolution agud usisaon ang compliance sang sanitary landfills sa Ecological Solid Waste Management Act of 2000 kasunod sang insidente sa Barangay Binaliw, Cebu City.
