Nagpanindugan ang Department of Foreign Affairs (DFA) nga magapabilin ini nga malig-on kag professional sa pag-uyat sang mga isyu sa West Philippine Sea kag indi magpadala sa kritisismo ukon online commentary.
Sa isa ka press briefing, ginhatagan sang pagtamod ni Department of Foreign Affairs Spokesperson for Maritime Affairs nga si Rogelio Villanueva Jr. nga ang mga diplomat sang Pilipinas magapadayon sa pagpakig-angot sa ila mga partners sa bahin sang China nga professional kag may respeto.
Padayunon man nga ipatuman sang Department of Foreign Affairs ang direktiba sang Presidente bilang chief architect sang foreign policy sang Pilipinas.
Dugang pa ni Villanueva, indi nila pagtugutan nga ma-distract sila sang mga pagyaguta halin sa “casual commentators, non-practitioners kag self-styled experts.”
Nahibaluan nga ginpagwa ang nasambit nga pahayag sa tunga sang kritisismo gikan sa pila ka mga maritime policy analysts kag legal experts nga nagkwestyon sa pagpasulabi sang talatapan sa malinong nga diplomasya sa pagsabat sang mga tensyon sa West Philippines Sea.
