ROXAS CITY – Nagapati ang isa ka Capizeño lawyer nga mas makapaayo kun hulaton na lamang ang mangin desisyon sa impeachment complaint batuk kay Chief Justice Maria Lourdes Sereno kag i-withdraw na lamang ang quo warranto petition.
Sa interview sang Bombo Radyo Roxas kay Atty. Nelson Borja, ginpahayag sini nga sa apisar lunsay balido ang impeachment complaint kag quo warranto petition agud mapasipa sa pwesto si Sereno, ang proseso suno sa iya sang impeachment complaint ang pamaagi nga nagasantu sa Konstitusyon agud talakayon ang mangin kapalaran ni Sereno.
Ang quo warranto petition suno kay Borja ang kinahanglan sang mabakod nga ebidensiya nga makapamatuod nga indi sang legal ang pagpahamtang kay Sereno sa pwesto kag posible makaapekto pa ini sa iya mga nangin desisyon sa Korte Suprema bilang isa ka Punong Mahistrado.
Malikawan suno kay Borja ang komplikasyon sa impeachment trial bangud ‘numbers game’ ang pagabasehan ukon magaagi sa pagbinotohay ang mangin desisyon batuk kay Sereno.
Matandaan nga kahapon nga adlaw, gin-aprubahan sang house panel ang deklarasyon nga may probable cause ang impeachment complaint batuk kay Sereno sa diin nakakuha sang 38 ka boto sa miyembro sang komitiba.
