ROXAS CITY, CAPIZ- Mas ginpalapad sang Department of Information and Communications Technology (DICT) ang ila nga mga flagship projects kaangay sang Free Public Wi-Fi, cybersecurity initiatives, kag nagkalain-lain nga mga digital programs nga may katuyuan nga hatagan sang kusog ang mga Pilipino sa modern nga panahon.
Sa interview sang Bombo Radyo kay Engineer Lorwell Onglatco, Provincial Head sang Department of Information and Communications Technology, iya ginpakigbanhin ang importansya sang mga proyekto nga ini sa pang-adlaw-adlaw nga pagpangabuhi sang mga pumuluyo.
Dugang pa sini, isa man sa mga nagapanguna nga adbokasiya sang ahensya amo ang pagpabaskog sang cybersecurity frameworkagud maproteksyunan ang publiko batok sa cybercrime kag mapabilin ang kaluwasan sang ila personal nga impormasyon sa internet.
Magluwas diri, ginbuksan man sang Department of Information and Communications Technology ang mga oportunidad sa digital upskilling pamaagi sang mga libre nga online training, tech workshops, kag mga programa para sa start-up development.
Sa kabilugan, padayon ang Department of Information and Communications Technology sa pagpaninguha nga mapatuman ang ila nga bisyon nga makaangkon sang mas inclusive, accessible, kag luwas nga digital ecosystem para sa bug-os nga bansa.
Interviewed by Bombo Sunnie Mae Constantino Batencila
