Digital Voter’s ID sa mga overseas voter, pauwaon na sang COMELEC

Maga-isyu ang Commission on Elections (Comelec) sang Digital Voter’s ID para sa mga overseas voter.

Suno kay Comelec Chairman George Erwin Garcia, magamit ini bilang alternatibo nga government issued ID sa pagparehistro para sa pilot internet voting sa palaabuton nga election sa tuig 2025.

Dugang pa ni Garcia, ang mga Pinoy nga ara sa abroad ang kinahanglan nga may active registration record sa Comelec.

Matandaan nga halin sadtong 2018, gin-ungkatan ang pagpanagtag sang physical voter’s ID para sa Philippine Identification System ukon PhilSys Act.

Dugang pa sang Comelec, ang pre-registration para sa overseas voters nga may luyag nga magpakignahin sa internet voting ang natalana na sa palaabuton nga Pebrero 12 tubtob Mayo 12 sang 2025.