Liwat nga nagpaandam ang Department of Migrant Workers (DMW) sa publiko nga luyag magtrabaho sa iban nga pungsod nga maghalong batuk sa mga modus kag sindikato nga illegal recruiters nga nagatanyag sang mga trabaho sa abroad nga ginpaagi sa social media.
Ginhimo sang DMW ang pahanumdom matapos ang madinalag-on nga repatriation sang damlag lang sang 190 ka mga Pinoy nga nangin biktima sang human trafficking halin sa Cambodia.
Suno sa DMW, kadam-an sa mga biktima ang na-recruit pinaagi sa pagtanyag sang trabaho onlu kag may promisa sang mataas nga sweldo.
Apang sa ulihe, nagaresulta sa pagpang-abuso kag pag-take advantage ang mga biktima.
“Matagal na tayong nagpapaalala laban sa illegal recruitment, kasama ang IACAT [Inter-Agency Council Against Trafficking]. Ang paalala natin ay simple lang: kapag hindi dumaan sa DMW, iyan ang numero unong red flag. Ibig sabihin, walang lisensyadong ahensya,” suno kay Migrant Workers Secretary Hans Leo J. Cacdac.
Gin-engganyo ni Cacdac ang publiko nga masami nga i-verify sa DMW kun lehitimo ang napili nga ahensya kag kun may aprubado nga job order.
