Ginatun-an sang Department of National Defense (DND) ang mga kasugtanan nga ginhimo sang Pilipinas kaupod ang iban nga mga pungsod nga wala nagakilala sang hurisdiksyon sa pungsod sang West Philippine Sea kag wala nagasuporta sa foreign policy position sang pungsod.
Suno kay DND Sec. Gilbert Teodoro, ginalantaw sang mga eksperto ang benepisyo sang pungsod sa kasubong nga mga kasugtanan, ilabi na sa defence sector kag foreign affairs.
Ginsiling sini nga sa karon nagapadayon ang proseso sang pagrepaso kag ginalauman nga magapaguwa ang ahensya sang dugang nga impormasyon angut diri sa masunod nga mga inadlaw.
Ginpanindugan sang defense secretary nga daw wala sang benepisyo ang Pilipinas sa iban pa nga kasugtanan sa depensa nga ginsulod sini sang nagligad nga mga tinuig.
Sa inisyal nga pag-analisar suno sa iya, mahimo nga may yara sang tubtob 50 ka defence agreements kag memorandums of understanding nga kinahanglan nga repasuhon bangud daw wala ini sang benepisyo sa Pilipinas.
Nagpirma ang Estados Unidos kag Ukraine sang kasugtanan nga magahatag sa Washington sang access sa talagsahon nga mga mineral sang Kyiv, kabaylo sang pagtukod sang isa ka pondo sang pamuhunan sang Estados Unidos sa Ukraine agud mapasanyog ang ekonomiya nga nahalitan sang inaway.
Apang wala gintumod sang tiglikom kon ano nga defence agreements ini, kag kon ano nga mga pungsod ang ginpirmahan sang Pilipinas.
Pila sa mga pungsod nga may aktibo nga depensa kag alyansa militar sa Pilipinas amo ang Japan, New Zealand, US, Australia, kag iban pa.
