Gin-anunsyo sang Department of Justice nga bukas ini sa paggamit sang committee report sang Senado sa imbestigasyon batok sa mga nadalahig sa anomaliya sang mga proyekto sa pagkontrol sang baha.
Suno kay Prosecutor General Richard Anthony Fadullon, ginpahayag sini nga luyag nila makita ang report agud mahibaluan ang mga ebidensya nga yara sa sini.
Ginsiling sini nga sarang ini magserbe kag magamit nga ‘lead’ sang National Bureau of Investigation sa nagapadayon nga imbestigasyon sa korapsyon sa flood control.
Apang gin-athag sini nga wala ini nagakahulugan nga gilayon ini nga mangin basehan sa pagpasaka sang kaso sa korte batuk sa mga gintumod nga involved.
Samtang gin-ako naman ni Prosecutor General Fadullon nga ginahulat pa nila ang pagguwa sang final committee report antes sila maghimo sang aksyon.
