Hinyuon sang Department of Justice sa korte nga mag-isyu sang search warrant para matuntolan ang nareport nga mass graves sa sulod sang compound sang ginsalakay nga POGO hub nga Lucky South 99 sa Porac, Pampanga.
Suno kay Justice USec. Nicholas Felix Ty, nakig-angut na ang DOJ sa Presidential Anti-Organized Crime Commission (PAOCC) kag law enforcement para sa paghanda sang mga dokumento para sa aplikasyon sang search warrant sa Regional Trial Court kag nagalaum mafile na ini sa masunod nga semana.
Pahayag pa sang opisyal nga ginpaguha ni Justice Sec. Jesus Crispin Remulla ang imbestigasyon kaangut sa mga bangkay nga yara sa sulod sang compound sang Lucky South 99.
Nauna na man nga ginbuyagyag ni PAOCC spokesperson Winston Casio nga nakabaton sila sang mga report kaangut sa mga bangkay nga ginlubong sa nasambit nga compound.
May natumod naman suno ang mga imbestigador kag mga testigo nga posible alokasyon sang nasambit nga mass graves.
