NATIONAL CAPITAL REGION – Ginhingyo sang Department of Labor and Employment (DOLE) ang mga pribado nga sektor nga magsunod sa ginaduso nga wage increase sa National Capital Region (NCR) para sa mga minimum wage earners epektibo pa sang Hulyo 18.
Suno kay DOLE NCR Director Sarah Bueno Mirasol, nagalaum ini nga boluntaryo nga magtuman ang mga employers sa P50 wage increase santo sa Wage order NCR-26 nga ginpaguwa sang Regional Tripartite Wages and Productivity Board sang Hunyo 30
Suno sa iya masobra 1.2 milyones ka mga minimum wage earners sa bug-os nga Metro Manila ang ginalauman nga makabenepisyo sa wage increase.
Samtang, bangud sang P50 nga saka sa sweldo, ginalauman nga magataas sa P695 ang minimum wage para sa non-agriculture sector gikan sa nagligad nga P645.
Samtang ang mga empleyado sa sektor sang agrikultura, serbisyo kag retail nga may 15 ka empleyado kag bisan sa manufacturing ang maigo sang P658 nga sadto yara sa P608.
Kasunod sini, gin-engganyo man sang DOLE ang mga trabahador nga magreklamo sa otoridad angut sa mga employers nga indi magsunod sa bag-o nga wage rates.
