Pormal na nga nagsumpa bilang ika-47 nga Presidente sang US si Donald Trump.
Ginpangunahan ni Chief Justice John Roberts ang pagpanumpa ni Trump sa sulod sang Capitol Rotunda.
Magluwas sa Abraham Lincoln bible para sa pagpanumpa, gingamit ni Trump ang iya personal nga bibliya.
Ang nasambit nga bibliya amu man ang gingamit ni Trump sa una nga termino sini bilang pangulo sadtong 2017.
Matapos ang pagpanumpa, nagpalupok sang canyon ang US military bilang tradisyon sa ila nga pagsaludo.
Ginhiwat sa sulod sang Capitol Rotunda ang pagpanumpa bangud sa tuman ka lamig nga panahon sa guwa bangud sang pagnubo sang temperatura.
Mahibaluan nga ulihi nga ginpatigayon ang indoor nga pagpanumpa sadtong panahon ni former US President Ronald Reagan sadtong 1981.
Antes ang pagpanumpa ni Trump, nagsumpa man bilang iya bise presidente si JD Vance nga ginpangunahan ni Supreme Court Justice Brett Kavanaugh.
Nagtambong sa nasambit nga pagpanumpa ang mga napilian nga magabug-os sang iya gabinete subong man ang mga anay pangulo sang US kag kaupod ang ila tagsa ka mga asawa.
