ROXAS CITY – Nag-angkon sang kapilasan sa magkatuhay nga parte sang lawas ang 27-anyos nga lalaki matapos bumunggo sa puno sang Mahogany ang ginamaneho nga motorsiklo, sa Poblacion Sur, Ivisan, Capiz. kagab-i sang Sabado.
Ginkilala ang driver kay Rex Celino, kag residente sang Parian, Sigma, Capiz.
Sa impormasyon nga nakuha sang Bombo Radyo sa mga katapo sang kapulisan, nagikan sa binaylehan sa Malocloc Norte sa amu nga banwa ang biktima, kag papuli na kuntani sa ila balay, apang pag-abot sa lugar, nadulaan ini sang kontrol sa manubela rason nga dumiretso sa nasambit nga puno sa kilid sang karsada.
Ginrespondehan ini sang mga katapo sang Special Rescue Unit sang BFP-Ivisan kag ginpadangat sa isa ka pribado nga ospital sa syudad.
Nahibaluan nga yara sa impluwensiya sang makahulubog nga ilimnon ang driver.
