Ginbawian sang kabuhi ang 20 anyos nga driver sang motorsiklo kag pilason namna ang angkas sini matapos ginpahayag nga aksidente ini nabungguan sang Fuel Tanker sa Sitio Ilo Barangay Poblacion Proper, Mambusao, Capiz.
Ini matapos ginkumpirmar ni PCAPT. DENNIS LOSBAÑES, hepe sang Mambusao sang nainterview sang Bombo Radyo nahibaluan nga nadulaan sang kontrol sa pagmaneho ang driver sang Fuel Tanker bangud sa madanlog nga karsadah rason nga bumunggo ini sa kasugata nga motorsiklo.
Matandaan nga ginkilala ang driver sang motorsiklo kay alyas “nonoy”20 anyos, kag ang backrider sini nga ginkilala kay alyas Nene,19-anyos kag lunsay mga residente sang Barangay Lonoy, Sapian Capiz.
Ginkilala ang driver suspek sang Tanker kay Alyas Toto kag residente sang Barangay Man-up, Altavas, Aklan.
Samtang,nagsungka ang suspetsado sa Dumangas Municipal Station kag ginturn over na ini sa kustodiya sang Mambusao MPS para sa nagakaigo nga disposisyon.
