Driver sang motorsiklo pilason matapos nga nakabunggo sang layaw nga ido sa Barangay Dayao, Roxas City

ROXAS CITY-Pilason ang 38-anyos nga driver sang motorsiklo matapos nga nakabunggo sang layaw nga ido sa Barangay Dayao,Roxas City.

Ginkilala ang biktima nga si Robert Alaro residente man sang nasambit nga lugar.

Base sa impormasyon nga nakuha sang Bombo Radyo Roxas, magapauli na kuntani ang biktima sakay sa iya motorsiklo sang hinali na lamang nga nagtabok ang isa ka layaw nga ido.

Bangud sini, nadulaan ini sang kontrol sa pagmaneho rason nga natumba ini kag nag-angkon sang pilas sa magkatuhay nga parte sang lawas.

Madasig naman nga nagresponde ang mga katapo sang Capiz Emergency Response Team sa lugar agud hatagan sang nagakaigo nga pagbulong ang naangkon nga mga pilas sang biktima.