ROXAS CITY – Ginpasakaan na sang kaso nga paglapas sa Republic Act 9165 ukon Comprehensive Dangerous Drugs Act of 2002 ang isa ka drug surrenderee nga nadakpan sa ginkasa nga drug buybust operation sang mga kapulisan sa Barangay Gabuan, Roxas City.
Ginkilala ang naaresto nga si Jeric Clarito, 37 anyos sang Barangay Dumulog, sining siyudad.
Narekober sa posesyon sang suspek ang 16 ka sachets sang shabu kag P1, 000 nga buybust money.
Hugot nga monitoring ang ginpatigayon sang mga otoridad sa suspek antes ginkasa ang nasambit nga operasyon.
Gin-aku naman sang drug suspek nga iya ang nakuha nga mga shabu kag aminado man ini nga nagaduso siya kag nagagamit sang ilegal nga droga.
Gindugang pa sang suspek nga pinansiyal nga problema ang nagtulod sa iya nga magsulod sa ilegal nga aktibidad ilabi pa nga wala ini sang permanente nga trabaho kag separado pa sa iya nga asawa.
