ROXAS CITY – Padayon sa karon nga ginaayam sang mga otoridad ang isa ka drug suspek matapos makapalagyo kasunod sang ginkasa nga drug buybust operation sang Provincial Drug Enforcement Unit sang Capiz Police Provincial Office sa Barangay Tanza, Roxas City.
Ini ang ginpahayag ni Police Lt. Col. Julius Balano, ang team leader sang hubon sang mainterview sang Bombo Radyo.
Ginkilala ang suspek kay Frankie Bertuldo, residente sang banwa sang Pontevedra apang temporaryo nga naga-estar sa Barangay Tanza.
Suno kay Balano nga kasunod sang pagkakuha sang kapin sa apat ka bulto nga ginapatihan shabu sa suspek, namutikan sini nga otoridad ang nagapakig-transaksiyon sa iya rason nga nagdumugay ini kag ang nagpakilala poseur-buyer.
Nakuha ang ginapatihan ilegal nga droga sa suspek nga ginabulubanta nagabalor sang P260, 000 apang madasig nga nakapalagyo si Bertuldo padulong sa mga kakahuyan sa amo nga lugar.
Gindugang pa ni Balano nga halos isa ka semana nila nga gin-monitor ang ilegal nga aktibidad sang suspek antes ginkasa ang operasyon.
