DSWD ginklaro nga obligasyon sang 4ps beneficiaries ang pagproseso sang dokumento indi sang parent leader

ROXAS CITY – ‘Ang pagproseso sang dokumento responsibilidad sang mga benepisaryo sang 4p’s’.

Ini ang ginpahayag ni Mrs. Belen Gebusion, Chief 4Ps Division sang Department of Social Welfare and Development (DSWD) Region VI sang mainterview sang Bombo Radyo.

Suno diri, ang parent leader amu ang nagagiya sa mga 4ps beneficiaries kun may kinahanglan sang inug-update kag kulang sa papeles apang indi sini obligasyon ang pagproseso sang mga dokumento.

Wala man sang koleksyon sang kwarta nga matabo sa tunga sang parent leader kag mga benepisaryo.

Pahayag ni Gebusion, kun pwersahan nga nagakolekta kag naga-demand sang kwarta ang parent leader klaro nga paglapas ini sa pagsulundan sang programa ilabi na kun daku ang kantidad.