-- ADVERTISEMENT --
CAPIZ – Target sang Department of Social Welfare and Development (DSWD) nga makapatigayon sang payout sang cash assistance nga P10,000 para sa kada pamilya sa masunod nga 48 tubtob 72 hours.
Suno kay DSWD Sec. Rex Gatchalian, tanan nga pamilya nga apektado sang baha sa probinsya ang makabaton sang P10,000.
Kinahanglan lamang sang ahensya amo ang listahan nga magahalin sa Local Government Units.
Nagpasalig si Sec. Gatchalian nga may yara sang bastante nga pondo ang gobyerno sa paghatag sang cash assistance sa mga biktima sang baha sa Capiz.
Pahayag pa niya, indi mag-untat sa pagbulig ang DSWD sa probinsya tubtob nga maka-recover ini sa kahalitan nga tuga sang lapnagon nga pagbaha.
-- ADVERTISEMENT --
