ROXAS CITY – Liwat nga nagpanugyan sa publiko ang pamunuan sang Department of Trade and Industry (DTI) Capiz natuhoy sa pagbakal sang mga produkto nga ginabaligya pinaagi sa online ukon online selling.
Kasunod ini sang reklamo sang pila ka mga indibidwal nga natuntohan sang pila ka mga online sellers.
Sa interview sang Bombo Radyo Roxas kay Ms. Kenn Quennie Cuñada, Provincial Director sang Department of Trade and Industry (DTI) Capiz ginpahayag sini nga kinahanglan nga hibaluon sang isa ka buyer kun lehitimo ang ginabaklan antes makipagtransaksyon pinaagi sa pag tsekyar sang contact information sang isa ka online seller.
Magluwas diri, mahimo man nga tsekyaron sang isa ka buyer kun rehistrado sa amo nga ahensiya ang nasambit nga online seller ukon rehistrado sa iban nga ahensiya sang gobyerno ilabi na sa Securities and Exchange Commission (SEC).
Tuman ini ka importante suno kay Cuñada agud mahimo nga pasabton ang ginareklamo nga online seller sa tion nga may yara sang problema.
Samtang hugot naman nga ginpanugyan sang DTi sa publiko nga likawan ang pagbakal sa mga bugos nga mga online seller agud indi matuntohan.
