ROXAS CITY-Gin-athag sang Provincial Director sang Department of Trade and Industry (DTI) nga kutob gid lamang sa pagmonitor ang papel sang ahensiya sa baligyanay sang faceshield sa probinsiya.
Ini ginpahayag ni DTI-Capiz Provincial Director Kenn Quennie Cuñada sang mainterview sang Bombo Radyo.
Suno kay Cuñada nga ang Department of Health ang may yara sang papel nga magpasaka sang panumbongon sa mga negosyante nga nagalapas sa Suggested Retail Price (SRP).
Ginpasalig ni Cuñada nga hugot man ginamonitor sang ahensiya ang presyuhanay sang faceshield apang sa mga negosyante gid lamang nga naka-rehistro sa ila, ang sarang nga masita sang ahensiya.
Gintumod naman sini ang LGU’s nga amo nagakadapat nga magsita sa mga negosyante nga wala sang nakarehistro sa ila.
Matandaan nga madamo sang mga kunsumidor ang nagareklamo natuhoy sa overprice nga presyuhanay sang mga faceshied nga wala naga-sunod sa Sugggest Retail Price ukon SRP.
