ROXAS CITY, CAPIZ- Nangin madinalag-on ang ginpatigayon nga Dugong Bombo 2025: ‘A little pain, a life to gain!’ sang Bombo Radyo kag Star FM sa Capiz State University Main-Campus, Roxas City, Capiz, subong nga adlaw.
Madamo sang mga indibidwal ang nag-donar sang dugo bangud pinaagi sa amo nga lihok, nakabulig ang mga ini sa pagsugpon sang kabuhi sang mga nagakinahanglan.
Nakatipon sang kabug-usan nga 39,150 cubic centimeter sang dugo ang Philippine Red Cross gikan sa 87 tanan ka mga successful blood donors.
Ang Dugong Bombo 2025: A little pain, a life to gain ang gina-updan sang Bombo Radyo Philippines Foundation Incorporated kaupod ang Philippine Red Cross.
Nagapasalamat naman ang Bombo Radyo kag Star FM sa tanan nga mga blood donors, sponsors kag volunteers sang Dugong Bombo 2025.
